मन्त्रिपरिषद्को पछिल्लो बैठकले दुई सचिवहरुको सरुवा गरेको छ ।
बिज्ञापन
सरकारले कोशी प्रदेशको प्रमुख सचिव राजेन्द्र पौडेललाई सूचना तथा सञ्चार मन्त्रालयको सचिवमा सरुवा गरिएको छ । गत ८२ मंसिरमा सचिवमा बढुवा भएका पौडेललाई पूर्ववर्ती सरकारले कोशी प्रदेशको प्रमुख सचिवको रुपमा खटाएको थियो । प्रदेशबाट आठ महिनापछि पौडेललाई सञ्चारमा ल्याइएको हो ।
बिज्ञापन
यस्तै राष्ट्रिय सतर्कता केन्द्रमा विश्वबाबु पुडासैनीलाई सार्वजनिक खरिद अनुगमन कार्यालयमा सरुवा गरेको छ । नयाँ ओएनएम अनुसार, राष्ट्रिय सतर्कता केन्द्रमा प्राविधिक समूहको सचिव दरबन्दी कटौतीमा परेको छ । प्रधानमन्त्री कार्यालय मातहतको केन्द्रका सचिवलाई प्राविधिक समूहको क्लष्टरमा राखिएकोमा हालै तयार पारिएको ओएनएम अनुसार प्राविधिक सचिवको दरबन्दी कटौती गर्दै प्रशासन समूहको सचिवको दरबन्दी राखिएको हो । केन्द्रको सचिवको दरबन्दी नै कटौतीमा परेसँगै फाजिलमा परेका सचिव विश्वबाबु पुडासैनीलाई सार्वजनिक खरिद अनुगमनको कार्यालयमा खटाइएको छ । यस अघि सार्वजनिक खरिद अनुगमन कार्यालयमा प्रशासनतर्फको सचिवको दरबन्दी रहेकोमा सो दरबन्दी कटौती गरी प्राविधिकतर्फको सचिव पद सृजना गरिएको जनाइएको छ ।
पुडासैनी यस अघि खानेपानी मन्त्रालयका सचिव थिए । शहरी,खानेपानी र पूर्वाधार मन्त्रालय मर्ज हुँदा सचिवको दरबन्दी कटौतीमा परेसँगै सतर्कता केन्द्रमा पुगेका पुडासैनी त्यहाँबाट सार्वजनिक खरिद अनुगमनको कार्यालयमा पुगेका हुन ।
बिज्ञापन
